Friday 12 November 2010

Aniversariu Masakre Santa Crus Onra ho Anunciu Dezeinu Monumentu 12 de Novembru

Breaking News TS, 12.10.2010
Celebrasaun aniversariu 12 de Novembru 2010 ba dala sanulu resin sia ne'ebe halo ho misa husi Igreia Santo Antonio Motael depois pawai tuir ain fatin saudozu no herois 12 de novembru 1991. Too iha santa Cruz komite 12 de Novembru anunsia no entrega premiu ba grupu no individu nain sanulu ne'ebe sai hanesan vencindor ba konkursu dezeina monumentu 12 de novembru. Komisaun organizadora bolu hahu ho numeru boot ate primeiru klasifikadu. DR. Mari Alkatiri entrega premiu ba terseiru klasifikadu no Frezidenti partidu Fretilin Lu-Olo entrega premiu no certifikadu ba segundu klasifikadu.
"Tuir mai ita bolu Primeiru arkitektu Salvador Pires. Ita bolu ita nia maun Xanana Gusmao sei entrega simbolikamente premiu no ninia dijeinu," anunciu husi MC.
"Tuir mai ekipa konjunta ba komisaun organizadora 12 de Novembru sei entrega ba maun boot xanana obra ne'e no espera katak sei realiza iha 2011."
Ekipa konjunta ba komite 12 de Novembru iha konkursu dezeinu monumentu ne'e prezide husi Sekretariu do Estadu ba ausntus Veteranus Maritos dos Reis ho ninia vice eis lider maximu Ojectil, Gregorio Saldanha.
"Jovuntude sira bele kontente uitoan tan ita sei iha monumentu ka memorial ruma hodi foo onra nafatin ba ita nia maluk herois sira."
"Hahu tinan mai ne'e, iha semeteiru santa cruz nia oin no nia laran maluk sira bele mai loro-loron ka kada semana hodi bele hakruuk ba joven sira ne'ebe uluk hatudu sira nia korajen no determinasaun maske la lori kilat," dehan PM Xanana.
Hafoin foo Viva ba Juventude sira Xanana mos fo korajen ba familias vitimas sira ne'ebe halerik hela hodi, "Ita viva hodi hanoin mos ba familias vitima sira ne'ebe tinan-tinan sempre tanis beibeik, ita sei la haluha sira nia esforsu nune'e duni husu atu familias sira labele tanis beibeik."
Remata deskursu Pm Xanana ninan programa tuir mai ba tara ai funan iha Cruz boot santa crus.

No comments: