Tuesday 30 November 2010

WIKILEAKS PUBLIKA KORESPONDENTE ENTRE EMBAIXADA USA HO WASHINGTON

Tempo Semanal-Dili, 30.11.2010

Tuir notisia ne'ebe oublika iha New York Times dehan WikiLeaks hahu publika surat korrespondentes ho total 251,287 ne'ebe haruka husi 270 Estadus Unidus Amerika ninia Embaixadas no konsuladus iha nasaun hotu iha mundu. Dokumentus segeredu husi emaixada Estadus unidus da amerika iha nasaun hotu-hotu iha mundu ne'e fou-foun foo de'it ba jornal bo'ot haat hanesan The New York Times, The Guardian, Le Monde, Der Spiegel and El Pais.

Iha mapa korespendencia ne'ebe publika husi Der Spiegel mosu mos embaixada Dili ninia korrespondensia ho Washington hahu husi 2005 ate 2010 maibe grafika hatudu katak dokumentus hakerek husi Dili barak liu iha tinan 2006 no dezde 2007 ate 2010 ninia statistika la tun no sa'e liu maibe konsistente Timor.

Iha momentu ruma Primeiru Ministru Xanana Gusmao dehan, " ita presiza kompreende ho diak sira nia "manobras" no "disinformasaun" no oinsa sira konsege usa informasaun neebe sira hetan atu "kria agitasaun emosional".

"Ita presiza reforsa ita nia abilidade atu kompriende ajitasaun emosional ho sira nia ligasaun, ho ajentes sira ne'ebe opera iha ita nia nasaun, and sira ne'ebe hetan vantajen husi liberdade de movimentu ne'ebe ita rasik maka foo ba sira," hatutan Xanana.

Iha parte seluk estudante universitariu sira mos hakfodak ho avansu teknolojia ne'ebe organizasaun Wikileaks iha hodi foo soku ba nasaun avancadu liu iha mundu ninia segeredu sira no sira hakarak atu hatene. "Ne'e interesante tebes atu ita hatene embaixada Estadus Unidus da Amerika ninian iha Dili ninia servisu no sira nia hanoin kona ba ita nia politika nain sira," dehan Joaquin Ximenes estudantu Universida ida iha Dili.
Tuir Mahasiswa ne'ebe daudaun ne'e estuda hela politika iha Universidade ida iha Dili ne'e dehan Amerika ninia, "se ida ne'e tebes duni ne'e hamoe tebes nasaun paman sam ne'e. Ne'e hatudu katak organizasaunne'e halo sira hakneak no bele estraga Amerika ninia relasaun ho nasaun seluk ke sirfa iha relasaun diplomatika."

Jornal ne'e husu ona ba editor wikileaks ninia atu konsidera hodi fasilita Tempo Semanal ho dokumentus balun kona ba TL ninian.

No comments: