Wednesday 9 February 2011

Roh Hahu Deskarega Foos Kompania Veteranus, Kapital TL Mukit Foos

Tempo Semanal-Dili, 09.02.2011

Tuir observasaun Timor Leste hahu menus foos nune’e duni foos ninia folin semo sa’e to’o lalehan klaran.

“Mana foos karun loos no iha de’it fatin ida maka fa’an maibe ninia folin dua puluh tujuh dólar,” dehan Alex ba ninia bin.
 
Folin foos sa'e maka'as no la hanesan. Vendedor sira raut osan no komunidade halerik karun husi foos nune'e. Komunidade ejize ba parte kompetente atu buka solusaun ba krize kabun nian ne’e.

La’os de’it komunidade kapital maka dada iis buka foos la hetan maibe manu liin sira mos tenke hakbesik aan ba portu dili hodi hili foos ne’ebe monu husi kuak karon marka Governu RDTL ninian.

Iha tinan kotuk Governu RDTL liu husi Ministeiru Turizmu no komersiu fahe projeitu importasaun foos ba kompania lubun ida nune'e ema lubun ida maka uluk luta ba ukun rasik aan sai Veteranus foos.

Komunidade balun hein hela katak foos husi kompania maka dirije husi veteranus da libertasaun nacional sei bele ajuda liberta komunidade ninia kabun husi hamlaha maibe tuir membro ida husi komisaun maka lida ho importasaun foos husi vietnam ne’e dehan katak foos toneladas 30,000, la faan ba publiku maibe hatama ba Ministeiru Social no solidariedade, Ministeiru Edukasaun no Saude.


Tempo Semana tenta buka hatene problema kurang Foos iha capital Dili no preokupasaun ba prosesu fornesimentu foos husi kompania veteranus sira nian. Atu hatene klean liu tan favor ida hein lee iha Tempo Semanal semana oin.

Jornal ne'e fornese video oan ba sani nain no haree nain sira mak hanoin ba. (TS).

No comments: