PARTE VIII : 20 AUGUSTO LORON FALINTIL SE MAKA FUNDADOR FALINTIL?

18. Januario Ximenes tenta atu tama iha kompanhia DSM

Caetano Guterres Maulory 

Sergento Januário Ximenes ne’ebe ho kompanhia Baucau adere tiha ona ba Força Operacional UDT nian. Mai hanesan komandante kompanhia Baucau nian ho kareta Moniz de Maia sanulo resin ho forças operacional UDT nian ne’ebe armado hotu, “ forsa sira ne’e balun civil balun militar duni, barak maka mai hanesan obrigatoriu de’it laos fo neon ho laran ba UDT tamba sira barak hakerek nain kuinese iha kareta laran, sira ne’e eis tropas mos i militante FRETILIN nia suba subar de’it. 

Tan ba lei militar la fo dalam para atu sai partidariu, sira ne’e barak maka oras ne’e sei moris.” Sergento Januario Ximenes mai ho forsa sira ne’e, tenta bosok ami iha kompanhia do Destakamento Serviço Material (DSM), ho lia bosok ida katak sira hakarak tama ba kompanhia nia laran atu ajuda halo segurança ho razaun katak sira tauk UDT sira ba hadau DSM. Tan ba wainhira hadau ona DSM maka funu sira manan tiha ona tan ba 80% kilat no kilat musan iha Timor-Leste ne’e iha DSM nia liman. maibe tan ba hakerek nain hatene tiha ona katak Sergento Januario Ximenes adere tiha ona ba UDT, ne’e duni ami la loke odamatan ida. Hakerek nain rasik maka hamriik ho maluk seksaun ida iha odamatan, tama nia porta de armas. Tan ba sira hare mai ami uituan de’it entaun sira atu obriga tama ho forsa, maibe sira la hare katak iha parte sul husi kompanhia DSM iha metralhadores hamutuk sanulu resin maka se hela nia mira ba sira. Maibe tan ba taka netik ho lona ne’e duni maka sira lahare. 

Entaun hakerek nain hakilar ba iha Januario katak se sira book an deit maka sira sei mate hotu kedas. Entaun soldados sira loke lona maka sira foin hakfodak katak sira iha hela metralhadoras nia mira, atiradores metralhadoras nian ne’ebe atu tiru hamrik hela iha koak laran. Wainhira tiru sai sira lahare ema nia oin, sira hare deit maka metralhadora tan ba usa sistema montajen automatika i sira ne’e atu tiru metradoras hirak ne’e iha hotu kuak laran ema labele hare hetan sira. Entaun sira tauk halai sa’e malu rungu ranga deit maibe ami la tiru sira ida. Sergento Januario Ximenes sei moris oras ne’e hela iha Portugal soldados sira Januario Ximenes komanda mos oras ne’e barak maka sei moris.“ ikus mai, iha okupasaun nia laran Januario mos sai fali membro klandestina ne’ebe servisu makas hamutuk ho David Dias Ximenes alias Mandati i uluk kastigu hotu hamutuk ho hakerek nain iha Cipinang Jakarta Timur”.(Hakerek badak deit, resumido).

19. Encontro entre governo Portugues, Forças Armadas ho UDT

Governo Portugues halo konvite urgente ida ba kompanhia hot hotu atu ba sorumutu ida iha Chefe do estado maior nia uma iha igreja Motael nia sorin. Husi DSM ba ami nain 3 maka hanesan representante, ida maka hakerek nain rasik, rua Saudoso Primeiro Sergento Espírito Santo, no terseiru maka Sergento Cardoso sei moris iha portugal; iha sorumutu nee governador Lemos Pires maka prezide meza, ko’alia sobre ponto 3 hanesan tuir mai nee:

1.     Extinção da FRETILIN- Katak FRETILIN tenke hamos tiha hapus tiha di muka bumi Loro Sae.

2.     Apartidarismo das Forças Armadas- katak forsas armadas labele tama iha partido politiku ida nia laran.

3.     Aderenção das Forças Armadas do CTIT ao Espírito do Movimento da UDT- katak Forças Armadas Timor nian, adere, simu, aceita ba hanoin ida ne’ebe lori UDT halo golpe, hanoin ida ne’ebe bolu movimento anti-komunista ne’e.

Governador ko’alia pontos tolu ne’e naruk uituan maibe hakerek nain hasai resumu deit para bele halo badak liu tan. Molok governador koalia hotu, governador husu para partisipantes sira fo sira nia parecer entaun saudoso Sergento Carmo maka foti liman uluk i dehan nune’e: “Sr. Governador loloos UDT ne’e tenke dezarma tiha, so forças Armadas maka bele kaer kilat”, i Saudoso ne’e dehan tan “ problema atu dezarma UDT nee la kusta, governo entrega ba hau, kompanhia ida deit em 24 oras hau sei dezarma UDT” maluk sira UDT nia ne’ebe sei moris i uluk tuir sorumutu ne’e bele fo tan sira nia testemunha. maibe governador la konkorda ho opiniaun saudoso Sergento Carmo nia, tuir mai sr. Governador husu tan se karik maka iha tan ema ruma atu koalia, hakerek nain nia fuan tuku tuku los, hateke ba kotuk, oin, ba sorin karuk no kuana la iha ema ida foti liman tan. Hakerek nain komesa hamulak iha fuan laran atu Nai Maromak no Matebian sira fo aten brani para bele koalia etc.

Molok ne’e governador mos foti martelu atu baku iha meza fo sinal sorumutu hotu nian, maibe hakerek nain ho hakilar de’it “ Sua Excelencia Sr. Governador fo lisensa atu hau bele koalia” entaun hakerek nain komesa koalia nune:

19.a). Sr. Governador, hau representante husi kompanhia DSM nian, hodi kompanhia nia naran, liu liu hau nia maluk tropas timor oan sira hotu nia naran, ami la konkorda iha parte balun hosi ponto hirak ne’ebe Sua Excelencia Sr. Governador aprezenta. Primeiro, ami la konkorda extinsaun da FRETILIN sem iha representante Fretilin iha oin, tan ba povo Timor ne’e hosi partido UDT no FRRETILIN kuase barak hanesan.

Tenke liders Fretilin iha oin, para sira ba fo fali esklarecimento ba sira nia militantes sira. Tan ba razaun saida maka FRETILIN extinto tiha. Se lae maske koalia iha ne’e, ami nia familia sira sei oho malu nafatin, tan ba ami ne’e barak maka maun alin rasik fahe malu, ida iha partido UDT ida seluk iha partido FRETILIN. Ne’e duni maske Fretilin la existe ona mos la buat ida naran katak sira nia lider pelemenus ida ou rua mai tur netik iha oin, ne’e opiniun hosi kompanhia DSM nian.

19.b).“ Hakerek nain hatene katak governador sei la halo tuir  no la simu ideia ida ne’e, tan ba sira nia plano sekreto ho UDT ne’e sorin balu kumpri tiha wainhira UDT halo golpe. Ne’ebe hatudo momos katak Portugues sira implika direitamente iha laran maka hanesan Coronel Majiolo Goveia, Capitão Lino ho Sira selu seluk. Indireitamente maka hanesan Comandante militar CTIT nian ho Chefe do Estado Maior ho oficiais no sergentos sira selu seluk tan. Tan ba sa maka hakerek nain deskonfia nune’e? Tan ba wainhira UDT halo golpe sira ba cerka de’it maka Quartel General ho força nain 3 ou nain 4 iha sikun ida idak ho kilat FBP Sete no Calibre 12. Kompanhia selu seluk sira la tau cerko, depois malae sira dehan katak ami labele foti liman hasoru força UDT sira. I iha kompanhia ida nia laran tropas timor oan ho malae mutin sira atus ida resin ho kilat barak, maibe sira fo ordem para labele halo buat ruma kontra forsa UDT nian. Ida ne’e halo ita deskonfia duni no kait tan ba hahalok selu seluk ne’ebe hakerek nain ko’alia tiha ona iha leten ba, maibe intervensaun hakerek nain nia ne’e bele dada tempo uituan para ami bele prepara an diak liu tan hodi bele halo kontra golpe”.

19.c).“Depois iha sorumutu ne’ebe ko’alia ona iha leten wainhira governador apresenta ponto tolu ne’e, liu liu ida ne’ebe koalia kona ba ‘“ADERENCIA DAS FORÇAS ARMADAS AO ESPIRITO DO MOVIMENTO DA UDT’’’ ne’e perigo teb tebes se karik ami husik liu deit. Ne’e signifika katak ami aceita ona atu halo operasaun hamutuk ho forsas operasionais sira UDT nian; ne’e significa katak malae sira nia estrategia alkansa duni. UDT maka ukun, i malae selu seluk sei halo parte iha governo hanesan tur iha fatin ministro nian  ho selu seluk tan. Tan ba nee duni maka hakerek nain ko’alia no husu ba governador para atu adia uituan, atu fo tempo para buka lider FRETILIN atu mai tur hamutuk hodi rona rasik ho sira nia tilun hodi ba explika fali ba nia adeptos sira razaun saida maka Fretilin tenke extinsaun tiha “ Hapus tiha”. Razaun nee hanesan dada tempo de’it para ami bele halo preparasaun kontra golpe nian. Ne’e duni sira mos lohi ami, ami mos lohi sira; ami lohi malu de’it, maibe tan ba iha “cabimento, masuk di akal” maka Sr. Governador Lemos Pires mos aceita.

19.d). Entaun sira hotu ba sikun ida ne’ebe saudoso enfermeiro Jose Espirito Santo husi Baucau mos iha ne’eba ho Sr. Mistiço ain kudeik ida naran hakerek nain haluha ona, parese nia naran se la sala Albuquerque karik. Saudoso ne’e sira kaer kastigo tiha ona iha palapasso maibe sira propositadamente “dengan sengaja” sira lori hotu mai iha reuniaun ne’eba, entaun sira dehan nune’e, “ lider Fretilin nia nain 2 maka ne’e, sira bele representa sira seluk” entau saudoso enfermeiro Jose Espirito Santo responde dehan katak nia ba hanesan prisioneiro ida, la’os hanesan lider FRETILIN nian. Saudoso ne’e fila ba Palapasso sira oho tiha kedas iha ne’eba.

19.e). Hakerek nain koalia tan “ Sua Excelencia Sr. Governador hau laran konfuso no la komprende pozisaun Forças Armadas nian iha oras ida nee. Tuir hau nia hatene uituan ne’ebe maka portugueses sira rasik maka hanorin katak forças armadas iha atu bele defende paz trankuiidade nasaun ida no povo ida nia. Maibe iha timor oin seluk enkuanto ami nia inan aman, maun alin oho malu, ami ho liman cruzadus asiste de’it. Enkuanto sira oho malu iha ami nia oin rasik, ne’e duni hau mos aceita ho opiniun Sr. Sergento Carmo nian, katak UDT tenke dezarma tiha para sira nain rua FRETILIN tur iha meza ho kondisaun hanesan hodi resolve destino povo Timor Loro Sae nia tuir dalan democracia. Karik la aceita ponto ida hau nian ikus ne’e, pelumenos fo oportunidade para buka FRETILIN nia lider sira hodi mai tur iha meza hodi rona rasik katak Fretilin ne’e lakon ona, laiha tan ona, agora iha deit maka UDT. Wainhira Fretilin nia liders sira prezente ona maka ami mos sei tuir lia fuan ne’ebe maka ohin Sr. Governador koalia katak ami tenke adere ba espirito do movimento da UDT.” Hakerek nain koalia nune’e so para atu dada tempo deit, wainhira hein FRETILIN nia lideres sira ami nia preparasaun para atu kontra golpe prontu ba beibeik, ami hanesan lohi malu deit, malae mos lohi ami ami mos lohi sira. Ami koalia barak no naruk, ida nee’ hanesan rezumu deit.

19.f). Enataun Sr. Governador Lemos Pires baku martelo iha meza dehan katak reuniaun ne’e adia fali, tan ba ne’e maka malae sira haruka Sr. Rogerio Lobato ba iha Aisirimou, Aileu ho Helicoptro paraquedista sira nian hodi ba buka liders FRETILIN atu tun mai iha Dili tuir reuniaun atu koalia sobre extinsaun Fretilin nian, ne’e maka iha malae nia laran, ne’e tuir malae nia hanoin, maibe sira lahatene katak Rogerio ba ne’e iha missaun ida ketak husi ami nian rasik atu fo hatene ba membros CCF sira katak ami pronto ona para atu halo kontra golpe e FRETILIN tenke tun para atu kaer governo, malae ho UDT sira fiar mata matak katak Rogerio ba sei buka hetan CCF sira no tun mai tur ho sira.(Hakerek badak deit, resumido).